ITALI- Një aksident tragjik i ka marrë jetën dy shqiptarëve në Itali, ndërsa një tjetër person ka mbetur i plagosur.
Siç raporto “Cezena Today”, aksidenti ka ndodhur sot rreth orës 18:00, në kryqëzimin e rrugëve “Melona” e “Capannaguzzo” në Cezena kur janë përplasur vrullshëm dy automjete, një furgon brenda të cilit udhëtonin tre punëtorë shqiptarë dhe një kamion me rimorkio,ku udhëtonin dy persona të tjerë.
Ndërsa viktimat raportohen të jenë të dy shqiptarë, 37-vjeçar dhe një 39-vjeçar, mediat nuk e kanë publikuar ende identitetin. Sa për të plagosurin, ato shkruajnë se është në gjendje kritike për jetën por nuk saktësohet se në cilin prej mjeteve udhëtonte ai.
(m.a/BalkanWeb)