Reperi nga Kosova Asdren Gjikolli i njohur si Gjiko ka pësuar një aksident të rëndë por fatmirësisht nuk ka marrë lëndime.
Aksidenti ka ndodhur gjatë së hënës në tunelin e Kalimashit, ku mjeti me të cilin ai udhëtonte drejt Velipojës ku do të mbante një koncert, është përplasur me një kamion në brendësi të tunelit.
Ndonëse makina e tij ka pësuar dëmtime të mëdha, reperi fatmirësisht i ka shpëtuar mrekullisht aksidentit.
Pasi ishte ai vetë që postoi një foto të makinës, duke qetësuar edhe fansat që ishte mirë edhe partnerja e tij, moderatorja Elita Rudi që ka publikuar një foto me të dashurin e saj në një moment intim, duke falënderuar Zotin.
“Dashuria ime e pakushtëzuar! Faleminderit Zot, qëndro pranë meje përgjithmonë”, shkruan partnerja e reperit, Elita Rudi.
(m.k/BalkanWeb)
