Menu Krye Të Fundit | Shqipëria |

Atak në zemër/ Vdes në fushën e stërvitjes së Tottenham ish-lojtari i Anglisë

2253

Skuadra angleze e Tottenham Hotspur ka njoftuar me keqardhje të madhe se trajneri i tyre i ekipit të të rinjve U-23, Ugo Ehiogu, ka ndërruar jetë në orët e para të mëngjesit të sotëm pas një arresti kardiak në kampin e stërvitjes.

Të duket e paimagjinueshme se si një njeri në moshën 44-vjeçare, kaq në formë sa ai, të ndërrojë jetë, tha një ndër drejtuesit e stafit të Tottenham, shkruan The Guardian.

“Fjalët nuk mund të shprehin shokun dhe mërzinë që i gjithë klubi ndjen për të. Prezenca e Ugos është e papërsëritshme. I shprehim të gjitha ngushëllimet familjes dhe bashkëshortes së tij, Gemma,” tha McDermott.

Ish-lojtari i Anglisë dhe Aston Villa-s, ndodhej në fushën e stërvitjes kur u rrëzua. Mjekët e Tottenham vrapuan menjëherë për t’i shkuar në ndihmë. 20 minuta më vonë atë e dërguan në spital. Megjithatë ai nuk mundi të bënte ballë atakut në zemër.

Ugo Ehiogu

(e.f/BalkanWeb)



KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .


Copy Protected by Chetan's WP-Copyprotect.