Menu Krye Të Fundit | Shqipëria |

Bamir Topi për zgjedhjet: Rama e Basha mbuluan me grim një plagë të madhe në Shqipëri

ssdgsdfgh

Kreu i Frymës së Re Demokratike, Bamir Topi i ftuar në “Koha për t’u zgjuar” në News24, foli për situatën politike në vend dhe fushatën e elektorale të këtij muaji.

Sipas ish-Presidentit të Republikës, kjo fushatë ka qenë pa përmbajtje dhe pa formë, madje “fushata ka filluar dhe me mjete të tjera”, duke iu referuar incidenteve mes PS dhe LSI.

I pyetur në lidhje me marrëveshjen Rama-Basha, kryetari i FRD-së tha se dy liderët mbuluan me grim një plagë të madhe në Shqipëri që janë zgjedhjet, për të cilat nuk gjetën zgjidhje, shkruan BalkanWeb.

Fushata elektorale
Bamir Topi: Kjo fushatë rezulton fushatë pa përmbajtje, pa formë, madje kemi parë edhe situata që pak kush i kishte menduar, që brenda koalicionit që kanë filluar fushata me mjete të tjera, gjë që nuk kënaq njeri. Është momenti kur mund të bëjmë një lloj bilanci. Programi i FRD nuk ka ndryshuar që nga viti 2012, është prezantuar në vitin 2013, dhe nuk ka ndryshuar, se është një program i efektshëm.

Sa i djathtë është programi i FRD?
Bamir Topi: Unë shikoj që ka një rënie dramatike të nivelit të politikës në përgjithësi. Shoh një shoqëri ku njerëzit e ditur janë strukur, nuk i shoh. Niveli është i mjerueshëm, janë po këta njerëz që 4 vjet, thërasin, bërtasin, ankohen dhe ndryshojnë formë në muajin e fundit, kthehen në militantë me partitë e tyre. S’shohin më hallet e tyre. Kanë afeksion për liderët e tyre, mjafton të jenë mirë ata.

Fuknsionojnë tifozët dhe jo mendimtarët?
Bamir Topi: Mendoj se një pjesë e kualifikuar e shoqërisë shqiptare është larguar jashtë. Një pjesë janë këtu, po janë strukur.  Këtu janë njerëz që rendin pas karriges, nuk kanë vizion. Politikan është ai që sheh në perspektivë për 10-15 vjet. FRD është me një listë cilësore. Në të gjithat qytetet kemi njerëz të nderuar. Unë jam misionar në politikë, s’kam nevojë për karrige. Meqë janë zgjedhjet, kemi propozuar që parlamenti nga 140 vetë të shkojë me 100 vetë.

Marrëveshja Rama-Basha
Bamir Topi: Gjëja  më e keqe e marrëveshjes Rama Basha ishte ajo që pritej të bëhej dhe vetëm ajo nuk u bë, u diskutua për gjithçka vetëm për listën e zgjedhjeve nuk u diskutua. Përderisa s’u vendos për një ligj korrekt, a do kemi një parlament të besueshëm? Gabimi i tyre është që mbyllën me grim një plagë të madhe në Shqipëri, që janë zgjedhjet. Rama që është kryeministër, del e thotë mos votoni të tjerët. Politikani duhet të dalë e të thotë më votoni mua, por mos u merr me tjetrin.

(e.f/BalkanWeb)


Komente ( 6 )

  • Ore Bomir, as Rama dhe as Basha nuk kane per ta drejtu kete vend, se per me rrjep e marrn pushtetin te gjithe ! Po ti mer Bomir je me legen se ato, se jo vetem do me vjedh, por ti je dhe kokrra e mosmirenjohesit! Ty Berisha te boni Ptesident ose me mire i dha shqiperise nje president tironc qe mender nuk boni asigjo per me i ndihmu komunitetin tironc !

  • BAMIR. NE DON ME JUSTIFIKU EMRIN E ME BA MIR, MOS DIL NE TV.
    BAMIR PSE NUK E VURE EMRIN NE LISTEN E KANDIDATEVE TE FRD QE TE SHIKOJE SA MBESHTETJE KE NE POPULL?
    MEQE SE FUTE EMRIN NE GARE,C’DO QE BEN GAM GAM.
    PER MUA EDI RAMA ESHTE ME I DREJTPERDREJTI NE KETE FUSHATE ELEKTORALE. PSE:
    – E FUTI VETEN NE LISTE DHE JO NE KRYE POR I TETI.
    – DEKLAROI PUBLIKISHT SE NESE NUK DEL FORCE E PARE, LARGOHET NGA POLITIKA.
    ASNJE TJETER NUK PO E BEN.
    BADICKA: NA THUAJ A DO LARGOHESH NGA POLITIKA NESE FRD NUK FUT ASNJE DEPUTET NE PARLAMENT?

  • Ku u bere ti katundar tirone te metrsh me politike!

  • Rama të nxorri në pension, prandaj nuk kunkuron në listat e FRD. Ke marrë vesh që do humbësh thellë. Bëj kongres edhe ti dhe lërja vendin të tjerëve shko merru me ullinjtë

  • koka e madhe e politikes boshe

  • Paska fol dhe ky far burri. 3/4 e Frd i ka te MAJTE, e del e shet pordh me rigon. Po mire more shoku Bamke sa ishte ti president (gabimisht) a kontribove nej cik per mire ne politike, apo kishe hallin e ullinit 3 mije vjecar dhe te kld qe e ndrite.

KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .


Copy Protected by Chetan's WP-Copyprotect.