TIRANE- Nuk kishte ndodhur asnjëherë më parë! Teksa kryetari i PD-së Lulzim Basha fliste për mediat para Kryesisë së Kuvendit, pas tij rrinte kryeministri Edi Rama. Kjo ka shkaktuar dhe të qeshura tek gazetarët.
Por kryedemokrati iu përgjigj Ramës duke shtuar se: “Ik se kemi punë lart”.
Pas këtij episodi, i cili zgjati vetëm pak, kreu i qeverisë u fut në Kryesi, ndërsa pas tij shkoi dhe Basha. Mbrëmjen e sotme, ashtu siç dhe u njoftua, liderët e partive politike do të ulen në një tryezë ku do të diskutojnë për zgjidhjen e ngërçit politik. Kjo tryezë, pjesë e të cilës janë dhe kreu i LSI-së Petrit Vasili, Mimoza Hafizit, pasi Ben Blushi mungon, Shpëtim Idrizi dhe Nard Ndoka, është thirrur me iniciativë të Partisë Republikane si dhe Partisë Agrare Ambientaliste.
(ed.me/BalkanWeb)
