Pjesë e shkarkimeve të zyrtarëve të lartë për shkak të përfshirjes në fushatë është bërë edhe drejtori i Drejtorisë së ALUIZNI-t në qytetin e Shkodrës. Drejtori i ri i ALUIZNI-t ka firmosur udhrin për pezullimin nga detyra të Tonin Marku.
Marku u pezullua pasi akuzohet se ka marrë pjesë në fushatën zgjedhore gjatë orarit të punës për kandidatin per deputet të Partisë Social-Demokrate, Tom Doshi.
Ishte drejtori i ri i ALUIZNI-t Ibrahim Morina që firmosi pezullimin edhe pse të përkohshëm të Markut.
“Zoti Tonin Marku me detyrë drejtor i Drejtorisë së ALUIZNI-t Shkodër, pezullohet pas informacionit të ardhur pranë titullarit të institucionit për pjesëmarrjen në fushatë zgjedhore gjatë orarit zyrtar” thuhet në urdhrin e pezullimit të Morinës.
(e.f/BalkanWeb)