Në takimin më të rëndësishëm të javës në “Premier League”, atë mes Manchester United dhe Chelsea ra në sy mungesa e një ylli si Thibaut Courtois. Vendin e gardianit të portës londineze e zuri Begoviç që pavarësisht dy golave të pësuar, zhvilloi një ndeshje të kënaqshme.

Portieri belg pësoi një dëmtim në kavilje dhe çudia është se, gjithçka ndodhi gjatë xhirimit të një spoti promocional.

Sipas medias belge, përpara disa ditësh, Courtois së bashku me shokët e tij të skuadrës, Ake, Matiç, Begoviç dhe Alonso u bashkuan për xhirimin e këtij spoti, që promovon NBA-në në Kinë.
1492423533sport-preview-courtois-and-embiid
Por portieri u dëmtua kur mbështeti keq këmbën në tokë, pas një kërcimi në tentativën e një gjuajtjeje, duke humbur sfidën me Manchester United.

Por jo vetëm kaq, problemi qëndron se Courtois rrezikon të mungojë dhe në ndeshjen gjysmëfinale të “FA Cup” me Tottenhamin, e parashikuar të luhet këtë të shtunë, një situatë kjo që i ka lënë të pakënaqur anëtarët e stafit teknik të Chelseat.

(e.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb