Menu Krye Të Fundit | Shqipëria |

Deklarata e Ramës për bashkim me Kosovën, reagon Isa Mustafa: Deklaratë populiste, bëjmë bashkime vetëm me BE

Edi-Rama-dhe-Isa-Mustafa-650x358

Në lidhje me deklaratën e kryeministrit Edi Rama, se nëse BE nuk e pranon Shqipërinë në gjirin e saj, atëherë do të kërkohet bashkimi me Kosovën, ka reaguar edhe kryeministri i Kosovës Isa Mustafa. Ai është shprehur se kjo deklaratë e Ramës është populiste. “Ne nuk e kemi orientimin që të bëjmë bashkime tjera, përveç Bashkimit Evropian. Edhe nëse s’na pranojnë nga dera, do të hyjmë nga dritarja”, deklaroi Mustafa për KTV. Kryeministri shqiptar Edi Rama deklaroi dje se bashkimi i Shqipërisë me Kosovën nuk mund të përjashtohet nëse zbehet perspektiva për anëtarësimin e Ballkanit në BE. Në një intervistë për “Politico”, Rama ka paralajmëruar se “Europa mund të përballet me një makth” nëse vendet e Ballkanit “çmenden” si pasojë e nxjerrjes së zgjerimit jashtë axhendës së Unionit. “Rajoni do të kthehet në një zonë gri ku aktorë të tjerë do të jenë më me influencë sesa Bashkimi Europian”, ka thënë Rama.
(i.ç/BalkanWeb)



Komente ( 15 )

KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .


Copy Protected by Chetan's WP-Copyprotect.