TIRANË- Deputetja demokrate, Jorida Tabaku bëhet nënë për herë të parë me dy vajza binjake. Një ogur i mirë për deputeten e ëmbël të parlamentit shqiptar, e cila kandidon për një mandat tjetër në Tiranë.
Megjithëse në muajt e fundit të shtatzënisë, Tabaku ka marrë pjesë aktivisht në politikë deri në ditët e fundit,
Madje pritja e ëmbël dhe barku i rrumbullakosur nuk e pengoi Joridën të bëhej pjesë e “çadrës së lirisë” duke marrë pjesë në protestën 3-mujore të opozitës.
Tabaku është martuar me profesorin e Ekonomisë, Saimir Sallaku. Ardhja në jetë e dy binjakeve ka gëzuar jo vetëm dy prindërit e rinj, por edhe të afërmit dhe miqtë e tyre. Nëna dhe 2 vajzat janë mirë dhe po shijojnë momentet e bukura me njëra-tjetrën. “BalkanWeb” mëson se çifti i ka quajtur 2 vajzat, Arba dhe Iris.
(m.k/BalkanWeb)
