SHKODER– Policia e Shkodrës ka dhënë detaje për arrestimin e doganierit në doganën e Vermoshit Izmir Bushaj 26 vjeç banues ne fshatin Kullaj si dhe shtetasit Xhyher Bushaj të cilët u arrestuan pasi iu gjetën në makinë që udhëtonin një listë me emra si dhe një shumë parash që do shpërndahej për të blerë vota.

Sipas policisë gjatë kontrollit te automjetit tip Hunday me drejtues Izmir Bushaj u konstatuan në një çantë të zezë, një listë votuesish dhe sasi e konsiderueshme parash ku rezultuan 48 copë kartmonedha me prerje 2000 lekëshe, ndërsa Xhyher Bushajt iu gjetën 3 kartmonedha me prerje 2000 lekëshe. Nga një vëzhgim që ‘BalkanWeb’ ka bërë në ‘Facebook’ rezulton se doganieri është një simpatizant i LSI.

NJOFTIMI I POLICISE:
Sot, Policia e Shkodrës mori informacion në rrugë operative se në fshatin Kullaj dhe Ura e Mesit disa persona me një automjet tip Hunday me targa AA 797 MK dyshohej se kishin një listë votuesish dhe sasi të konsiderueshme parash të destinuara për t’i shpërndarë me qëllim blejrjen e votës.

Si pasojë e veprimeve profesionale nga strukturat e Drejtorisë Vendore të Policisë Shkodër është bërë e mundur kapja në flagrancë e shtetasit:

I. B. vjec 26, banues në Kullaj, Shkodër, me detyrë doganier në doganën e Vermoshit.

Xh. B. 30 vjeç, banues në Drisht, Shkodër

Pasi u bë kontrolli i automjetit tip Hunday me drejtues I.B. u konstatuan në një çantë të zezë një listë votuesish dhe sasi e konsiderueshme parash ku rezultuan 48 copë kartmonedha me prerje 2000 lekëshe, të destinuara për ti shperndarë me qëllim blerjen e votës.

Gjithashtu gjatë kontrollit fizik të shtetasit Xh. B. I cili ishte pasagjer në mjetin e lartpërmendur, iu gjetën 3 kartmonedha me prerje 2000 lekëshe.

Materialet do ti referohen Prokurorisë se Rrethit Gjyqësor Shkodër për veprat penale “Korrupsioni aktiv në zgjedhje” e “Korrupsioni pasiv në zgjedhje” të parashikuara nga nenet 328/a/b i Kodit Penal.

(d.d/BalkanWeb)