TIRANE– Artdashësit e kryeqytetit, që mbrëmjen e sotme i ishin drejtuar Teatrit Kombëtar për të ndjekur shfaqjen “Don Kishoti”, nuk kanë qenë shumë me fat. Kur kishin kaluar vetëm 5 minuta nga fillimi i shfaqjes, në sallë është ndërprerë energjia elektrike si pasojë e një defekti.
Spektatorët të surprizuar nga kjo situatë, kanë nxjerrë celularët e tyre, duke u përpjekur të bëjnë dritë.
Në një moment, aktori Gent Hazizi nisi monologun me elektrik dore, në pritje të rregullimit të defektit.
Pas 30 minutash energjia elektrike u rikthye në Teatrin Kombëtar, dhe shfaqja u dha nga fillimi.
(el.sp/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
