DURRËS- Në morgun e spitalit të Durrësit ka përfunduar tashmë ekspertiza mjekoligjore në trupin e Ervin Daliapajt dhe mikut të tij Juxhin Dauti, që u ekzekutuan mesditën e sotme në Sukth me breshëri plumbash dhe gjetën vdekjen e menjëhershme.
Gazetarja Klodjana Haxhiaj bën me dije për BalkanWeb se mbi mjetin tip “Audi” që dyshohet se drejtohej nga Dalipaj janë zbrazur dy karikatorë me plumba, 50 deri në 60 të tillë, ndërsa vetë Dautaj ishte bërë shoshë nga plumbat, kishte gati 20 të tillë në trup.
Sipas ekspertizës mjekoligjore që i është kryer 37-vjeçarit Dalipaj, bëhet me dije se 5 ose 6 plumba i ka marrë vetëm në kokë, 5 në kraharor dhe të tjerat në gjymtyrë. Bëhet me dije se më pak plumba kishte në trupin e shokut të tij, Juxhin Dauti.
Gazetarja Klodjana Haxhiaj konfirmon gjithashtu se në policinë e Durrësit është sjellë edhe automjeti tip “Audi” për të kryer ekspertizën. Nga të dhënat e para, janë mbi 50 plumba të shkrehur mbi të, ka plumba të dukshëm tek dera e shoferit në pjesën më të madhe, por edhe në pjesën e pasagjerit.
(m.a/BalkanWeb)
