TIRANE- Pas mbledhjes me deputetët e rinj, kryedemokrati Lulzim Basha është fotografuar me ta në një kafe pranë selisë së Partisë Demokratike.
Gazetarja Elda Menga ka mundur të sigurojë për BalkanWeb fotot e takimit mes tyre në kafe, aty ku u vu re mungesa e një figure të rëndësishme të PD-së.
Bëhet fjalë për ish-kryeministrin Sali Berisha i cili është zgjedhur sërish deputet. BalkanWeb mëson gjithashtu se Berisha nuk ishte as i pranishëm në mbledhjen që Basha zhvilloi me të zgjedhurit e rinj, ndërsa arsyet e kësaj mungese nuk dihen ende.
Kujtojmë se gjatë mbledhjes kryeopozitari dha porosi të qarta dhe të prera për deputetët e rinj. Lulzim Basha deklaroi hapur se marrëveshja me kryeministrin Rama nuk kishte funksionuar, e për pasojë demokratët duhet të vazhdonin betejën e tyre opozitare dhe frontale. Ai nuk ngurojë të lëshojë një sinjal bashkëpunimi për LSI-në dhe PDIU-në ndër të tjera.
(m.a/BalkanWeb)
