TIRANE- Ndërron jetë aktori i njohur i estradës, Besnik Kaso. Ai ishte bashkëshorti i këngëtares Irma Libohova, e cila kohët e fundit është përfshirë në një debat publik me organizatorin e koncerteve Adi Kasapi, të cilin e denoncoi se nuk e ka paguar.

Mësohet se Kaso është ndarë sot nga jeta, pas një sëmundje të rëndë, ndërsa me këngëtaren e njohur ka pasur 32 vite martesë, nga e cila kanë edhe një djalë që quhet Ataol.

Kujtojmë që Besniku debutoi vite me radhe përkrah aktoreve me emër Skënder Sallaku, Arben Shaka, Vasillaq Vangjeli, Kaçja, Vegim Xhani, etj. Ka interpretuar disa role edhe ne filmin shqiptar si p.sh ne filmin “Streha e re” etj, ndërsa në vitet që pasuan ai vendosi të qëndronte larg vëmendjes mediatike.
(m.a/BalkanWeb)