Në festën e organizuar para fillimit të sfidës së Superkupës së Europës në stadiumin e Shkupit ku Real Madrid mposhti Manchester United me rezultatin 2-1, mungoi qoftë edhe një element shqiptar pavarësisht se në Maqedoni shqiptarët janë faktor shtetformues.
Por pavarësisht kësaj, të paktën futbollistët e Real Madrid nuk janë larguar nga stadiumi “Filip i 2” pa bërë me duar simbolin e shqiponjës dy-krenare. Në një moment një vajzë e vogël i kërkon “galaktikëve” të bëjnë shenjën identifikuese të kombit tonë dhe një nga të parët që i është përgjigjur pozitivisht ishte Cristiano Ronaldo.
Vajza e vogël e cila ishte e shoqëruar nga nëna e saj me siguri është ndjerë e lumtur nga gjesti i madrilenëve. Por jo vetëm. Simboli i shqiponjës i bërë nga Ronaldo dhe yjet e Realit ka gëzuar edhe shqiptarët.
(e.k/BalkanWeb)
