Ngushtica Saltstraumen e Nordlandit, ndodhet 30 km në lindje të qytetit Bodø, në Norvegji, ndërsa njihet si vendi me rrjedhën më të shpejtë të ujit në botë. Çdo gjashtë orë, rreth 400 milionë metra kub të ujit të detit, rrjedhin nëpërmjet kësaj ngushtice të gjatë 3 kilometra dhe të gjerë 150 metra  me shpejtësi prej 41 km në orë.
Në këtë rrymë të fuqishme të ujit të detit, formohen “maelstromët”, respektivsht vorbullat më të fuqishme të ujit në botë, me gjerësi deri në 10 metra dhe me thellësi deri në 5 metra.
Saltstraumen 0009
Fjala maelstrom (malström/malstrøm) në gjuhët skandinave përshkruan dallgët e fuqishme që shfaqen brenda ujit. Këtë fjalë për herë të parë e ka përdorur, në vitin 1841, shkrimtari i famshëm Edgar Allan Poe, dhe që nga ajo kohë ajo përdoret në shumë gjuhë të botës.
Krahas faktit që ka rrjedhën më të shpejtë të ujit në botë dhe vorbullat, Saltstraumen njihet edhe si pikë e popullarizuar turistike për adhuruesit e peshkimit dhe të zhytjes.
Megjithatë, gjatë vizitës në këtë ngushticë, vizitorët duhet të jenë të kujdesshëm për shkak të vorbullave, sepse ato mund të shfaqen edhe atëherë kur uji duket i qetë.
Saltstraumen 0008Saltstraumen 0006Saltstraumen 0005Saltstraumen 0012Saltstraumen 0002Saltstraumen 0010Saltstraumen 0011Saltstraumen 0007
(i.ç/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: