GREQI- Mbetjet e një helikopteri ushtarak grek i rrëzuar gjatë një fluturimi të planifikuar me 5 ushtarakë në bord, u zbuluan ditën e sotme pranë Larisës, disa orë pas humbjes së sinjalit nga radarët. Lajmi konfirmohet nga Shtabi i Përgjithshëm grek.
“Për momentin nuk bëhet asgjë e ditur në lidhje me fatin e pesë anëtarëve të ekuipazhit, ndërsa ekipet e shpëtimit po vijojnë punën”, tha për median zëshënësi i Shtabit të Përgjithshëm, koloneli Nikolaos Fanios.
Një operacion shpëtimi ka nisur ndërkohë me pjesëmarrjen e dy helikopterëve ushtarakë dhe një avion i forcave zjarrfikëse.
“Tre pilotë dhe dy ushtarakë të tjerë gjendeshin në bord”, saktësoi Fanios për median.
Helikopteri i llojit “Huey UH-1H” u nis në orët e para të mëngjesit nga Larisa, një qytet në qendër të vendit, me destinacion Kazanën (veriperëndim), referuar Shtabit të Përgjithshëm.
(el.sp/BalkanWeb)