Dashi 21 Mars – 20 Prill

Nuk jeni shumë të çlodhur nga fundjava, por me aftësinë tuaj do u bëni ballë të papriturave dhe me një gjakftohtësi për t’u pasur zili do përballoni çdo problem. Balancimi i detyrave dhe angazhimeve familjare nuk është aq i vështirë sa duket. Veproni me qetësi.

Demi 21 Prill – 20 Maj
Të gjitha programet e formuluara në këtë ditë mund të kenë rezultate të qëndrueshme. Me pak durim do realizoni një dëshirë të madhe. E pasuruar nga shumë energji kozmike, Hëna ju rezervon më të mirën e mundshme. Përfitoni para se të jetë vonë.

Binjakët 21 Maj – 21 Qershor
E hëna e Pashkës, sipas yjeve do jetë mjaft e qetë. Ndoshta do ju mungojë entuziazmi i zakonshëm, por do keni produktivitet me bollëk. Qielli festiv nuk premton shumë aktivitete, por një skenar qetësues… ndoshta pak si shumë për shijet tuaja.

Gaforrja 22 Qershor – 22 Korrik
Pasiguritë dhe dyshimet në dashuri do shkaktojnë pak shqetësime dhe nuk do ta kuptoni se jeni ju që u kushtoni rëndësi hijeve dhe të dyshuarve që janë vetëm fantazi. Disponibiliteti i një miku për t’ju ndihmuar do t’ju surprizojë. Pranoni ndihmën e ofruar për të zgjidhur një çështje të mbetur pezull.

Luani 23 Korrik – 23 Gusht
Atmosfera e festës nuk favorizon përqendrim. Nëse ju ndodh të keni angazhime ekstra, nuk do hidheni përpjetë nga gëzimi. Me detyrat e përditshme në qendër të vëmendjes, gjendja shpirtërore nuk do jetë shumë e mirë, megjithatë rendimenti do jetë i sigurt.

Virgjëresha 24 Gusht – 22 Shtator
Hëna dhe Mërkuri do rikthejnë rendin emocional duke ju dhuruar energji, vullnet dhe projekte fituese. Cilësia e ndjenjave do përmirësohet. Mundësi të mira për të kapërcyer druajtjen dhe frikën nga të papriturat. Ka ardhur koha të shprehni atë që ndjeni për dikë.

Peshorja 23 Shtator – 22 Tetor
Frenimi i menjëhershëm i imponuar nga Hëna do ndryshojë pak humorin tuaj. Shkëmbime opinionesh me një të afërmin tuaj që është shumë tradicional. Nevoja për të mbrojtur zgjedhjet tuaja ju çorienton, por nëse mendoni se keni të drejtë, mos hezitoni.

Akrepi 23 Tetor – 22 Nëntor
Provime, intervista pune, regjistrime në kurse studimi edhe jashtë shtetit: këto janë prioritetet për të cilat duhet të mendoni sot dhe për të cilat do keni sukses nesër. Falë angazhimit dhe seriozitetit të garantuar nga Hëna, do i përballoni me sukses çështjet familjare.

Shigjetari 23 Nëntor – 21 Dhjetor
Bashkëpunimi me të tjerët në kërkim të zgjidhjeve për problemet e zakonshme do jetë i dobishëm. Do demonstroni se keni dëshirë të korrigjoni gabimet. Vlerësoni disa momente vetmie, por mos lini pas dore lidhjen tuaj. Mbani nën kontroll kërkesat e tepruara.

Bricjapi 22 Dhjetor – 20 Janar
Humori i mirë do ju ndihmojë sot. Do bëni të pamundurën për të zgjidhur probleme të vështira në familje. Vazhdoni me ritmin dhe vendosmërinë tuaj, edhe pse mund të përballeni me kundërshtime të papritura.

Ujori 21 Janar – 19 Shkurt
Sot do jeni pak si të përhumbur në botën tuaj të brendshme. Mund të duhet pak më tepër durim dhe vëmendje për t’u marrë me çështjet e përditshme. Ka ardhur koha të ofroni ndihmën tuaj modeste në shoqërinë e ngushtë.

Peshqit 20 Shkurt – 20 Mars
Hëna do jetë më bujare sot. Ditë ideale për ta përfunduar festën me piknikun tradicional jashtë shtëpisë! Ushqim i shkëlqyer dhe shoqëri e mirë. Nxitja për ambicie ju bën të vendosur dhe më të sigurt, aq sa të meritoni respektin e atyre që ju rrethojnë.
(BalkanWeb)