Menu Krye Të Fundit | Shqipëria |

I dënuar në Itali për pengmarrje, kapet në Vlorë 34-vjeçari me identitet të dyfishtë

policia-arrestim-shqiponjat

VLORË- Policia e Vlorës ka arrestuar një 34-vjeçar të shpallur në kërkim ndërkombëtar nga Italia. Sipas të dhënave zyrtare, në pranga ka përfunduar shtetasi Ilir Bregu, banues në Vlorë.

Policia sqaron se ditën e sotme Komisariati pranë Drejtorisë Vendore të Policisë Vlorë, në bazë të informacioneve të marra në rrugë operative ka bërë të mundur kapjen e Ilir Bregut në lagjen “Pavarësia” Vlorë.

Mësohet se ndaj tij, Gjykata e Apelit Firence, Itali ka lëshuar urdhër arresti ndërkombëtar (nr. 211/2014 SIEP dt. 05.06.2014) dhe e ka dënuar këtë shtetas me 8 vite e 10 muaj burg për veprën penale “Pengmarrje dhe mbajtja pa leje e armëve”.

Gjithashtu, bëjmë me dije se ky shtetas me qëllim për t’iu fshehur drejtësisë shqiptare dhe asaj të huaj, ka përdorur edhe identitetin tjetër si Isuf Dulaj. Kapja dhe arrestimi i tij u bë me qëllim ekstradimin e tij drejt Italisë.

(m.k/BalkanWeb)



KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .


Copy Protected by Chetan's WP-Copyprotect.