Javës që vjen do të zhvillohet Shangai Auto Show, ku prodhuesi gjerman Mercedes do ta lançojë modelin e ri S-Class. Deri më tani, janë publikuar vetëm dy fotografi, që tregojnë pjesën e përparme, si dhe brendësinë e këtij modeli.
Sa i përket pjesës së jashtme, shihet vetëm një anë e saj si dhe dritat LED të lakuara. Në imazhin tjetër shihet pjesa e brendshme, por vetëm pjesa ku qëndron shoferi dhe shoqëruesi i tij.
Ditëve në vazhdim, priten të bëhen të ditura më shumë detaje të kësaj makine, për të cilën thuhet se përmban teknologji të lartë.
Por, njohësit e automobilave pretendojnë se mund të jetë i shumëpërfoluri Maybah, po nuk ka ende ndonjë lajm të konfirmuar.
(BalkanWeb)