GREQI – Dy shtetas shqiptarë janë arrestuar në Greqi pasi u kapën me drogë. Ngjarja ndodhi në afërsi të qytetit të Kozanit, në Greqinë veriore, ku shqiptarët u kapën në flagrancë duke transportuar një sasi të madhe droge.
Në zonën e Kosturit u diktuan dy makina si të dyshimta dhe policia nisi ndjekjen e tyre. Në furgonin e parë, që drejtohej nga një shtetas shqiptar i moshës 33 vjeç, u gjetën 10 thasë që kishin brenda 20 pako me kanabis.
Pas peshimit, rezultoi se sasia e përgjithshme ishte 304,6 kilogramë. Policia arrestoi dhe drejtuesin e mjetit tjetër, një 24 vjeçar po nga Shqipëria, që kishte rolin e pararojës.
Policia fqinje po vazhdon hetimet për të heshur dritë mbi destinacionin e kanabisit dhe persona gtë tjerë që mund të implikohen në këtë trafik.
(e.f/BalkanWeb)
