Trajneri i Birmingham, Harry Redknapp, i ka surprizuar të gjithë me deklaratën e dhënë ditën e premte, raporton “SportBible”.
70-vjeçari në një intervistë është shprehur se dëshiron të nënshkruajë me ish-futbollistin e Totenham Benoit-Assou Ekotto për të përforcuar ekipin e tij. Deri këtu gjithçka është normale, por jo vazhdimi.
Redknapp ka dashur të sqarojë se Ekotto dëshiron të bëhet pornostar dhe ky është problemi që ai të nënshkruajë me Birmingham.
Ekotto aktualisht është një lojtar i lirë pasi klubi i Metz në “Ligue 1” nuk i ofroj një marrëveshje të re për të zgjatur kontratën.
Redknapp tekstualisht u shpreh: “Problemi i vetëm që e pengon është se dëshiron të bëhet pornostar. Ndoshta mund t’i marr edhe 1 vit para se ai të vendosë t’a bëjë këtë.”
Vitin e fundit që Ekotto ishte në kontratë me “Spurs”, e luajti i huazuar me QPR-në në “Championship” kur ekipi drejtohej nga Redknapp. Ai ka bërë 202 paraqitje me klubin e Totenham në 9-të vite karrierë të shpenzuara në “Ëhite Hart Lane”, ku në fund u mbyll me hatërmbetje pas ardhjes së Mauricio Pochettino në 2015-n.
Në një intervistë për “Guardian” në vitin 2010, kamerunasi Ekotto u shpreh:
“Nëse unë erdha në Angli, ku nuk e njihja dhe nuk flisja anglisht … erdha për një punë. Karriera në futboll zgjat 10-15 vjet, pra është një punë. Por po, është një punë e mirë dhe nuk them se e urrej futbollin, por nuk është pasioni im.”
(e.k/BalkanWeb)