TIRANË- Pak orë pasi Kreu i PD-së Lulzim Basha ka marrë kritika të forta nga tre deputetë të partisë së tij, ka ardhur edhe një reagim i tij.
Burime për “BalkanWeb” bënë me dije se Basha ka qenë deri vonë në çadër ku ka biseduar me anëtarët dhe ka folur pa praninë e mediave. Mësohet se ai iu ka dhënë porosi anëtarëve të mirëkuptojnë e të mos sulmojnë kritikuesit, duke iu referuar Jozefina Topallit, Majlinda Bregut dhe Eduard Selamit.
“Ne jemi parti e lirisë, e krijuar për lirinë dhe është pasuri mendimi ndryshe dhe kritikat”, mësohet të ketë thënë kreu i PD, shkruan “BalkanWeb”.
Kanë qenë deputetët Jozefina Topalli, Majlinda Bregu dhe Eduard Selami ata që kanë folur ashpër sot kundrejt linjës që po ndjek kreu i PD-së. Sipas tyre mospjesëmarrja e PD-së në zgjedhje dëmton partinë dhe vendin.
(m.k/BalkanWeb)
