Ish-shefi i rendit në Kurbin, Ylli Vata, që ishte i shpallur në kërkim për lidhje me trafikun e drogës, është vetëdorëzuar sot në Policinë e Kurbinit.
Prokuroria e Krimeve të Rënda e kishte shpallur në kërkim shefin e rendit të Komisariatit në Kurbin prej tre muajsh.
Sipas hetimeve të kryera, shefi i rendit në Komisariatin e Kurbinit, ka bashkëpunuar me një grup kriminal në kultivimin dhe më pas shitjen e kanabisit.
Grupi në fjalë është goditur në muajin nëntor të vitit të kaluar, kur u arrestuan 7 persona, një prej të cilëve efektiv policie. Nga hetimet ka rezultuar se organizatori i grupit, Lefter Neli kishte marrëveshje me shefin e rendit, Ylli Vata, se nuk do të pengohej në aktivitetin e tij kriminal. Këtë fakt, përveç hetimeve dhe dëshmive të personave të arrestuar, prokuroria e argumenton edhe me faktin që aksionet e policisë kundër parcelave me kanabis në zonën e Kurbinit dhe që drejtoheshin nga Vata, në asnjë rast nuk kanë ndërhyrë në parcelat e Lefter Nelit.
Përgjimet mes trafikantëve
Më datë 04.08.2016, Luftari komunikon sërish me personin me numër 068xxxxx dhe mes tyre zhvillohet kjo bisedë:
A – …nga kan marrë ata?
B – Ja anej ka Venoci (kështu dëgjohet)
A – Anej aaa?
B – Po ishte Ylli jot …nuk ka hyp nolt. (Ylli Vata me makinën e policisë)
A – Ka asht?
B – Q’tu foristrad.
A – Aa a tu nejt qaty?…Po skutri (Sandër Biba)?
B – Jo, ka hik.
A – …mir pra, ik e hajt m’trego.
B – … a kan me dal q’tu masditje ata?
A – Kan për t’nalu e burr se e din vetë ata… s’e di… më mori prap dje masdite mu ai.
B – Hajt…
(e.f/BalkanWeb)