KOSOVE-Kreu i Nismës për Kosovën, Fatmir Limaj, ka konfirmuar se partia të cilën ai e udhëheq do ta drejtojë Ministrinë e Punës dhe Mirëqenies Sociale në Qeverinë e re, nëse koalicioni PAN arrin ta formojë atë.
Ndërsa, sa i përket ministrisë se Bujqësisë, ka thënë se ende nuk është vendosur. Megjithatë, ka thënë se Nisma do të ketë një nga prioritetet bujqësinë.
“Jemi duke diskutuar për çështjen e emrave. Ne duam ta japim një shembull nga të tjerët. Po diskutojmë. Jemi në diskutim se ku mund të japim më shumë. Dëshira për t’i shërbyer vendit është e madhe. Ne kemi marrë votat dhe kemi dalë në votim. i siguroj qytetarët qe do t’i shërbejmë me dinjitet vendin tonë”, ka thënë Limaj në RTV Dukagjini.
Limaj nuk ka sqaruar nëse do ta lërë postin e deputetit për të marrë postin e zv/kryeministrit. Ka thënë se janë në fazën e diskutimeve për të parë se ku mund të ipet kontribut më i madh.
Tutje, ai ka folur edhe për zgjedhjet lokale. I pari i Nismës ka thënë se kjo parti do të kandidoj e vetme dhe atë në të gjitha komunat e Kosovës.
“Prioritet e kemi: Lipjanin, Shtimen, Drenasin, Kaçanikun, Malishevën, dhe Prizrenin. Presim një garë interesante. Pastaj në disa komuna do të jemi përcaktues në komuna, e në disa tjera do të jemi në koalicione”, ka shtuar ai.
(d.d/BalkanWeb)
