Kryeministri Edi Rama ishte i pranishëm sot në Cërrik në një miting me banorët e zonës. Kreu i qeverisë nuk i kurseu ironitë e sulmet përballë kundërshtarëve të tij politikë, Lulzim Bashës dhe Sali Berishës.
Rama tha se kreu i opozitës, Lulzim Basha, kishte ‘vrarë’ të gjithë bashkëpunëtorët, duke iu referuar lënies jashtë listës së kandidatëve për deputetë shumë figurave kryesore të PD-së.
“Ti mund të jesh me PD-në po si mund t’i japësh votën Lulit që të bëhet kryeministër, ai ishte kryetar i bashkisë së Tiranës, Sahatin e Tiranës e kishte 4 metra nga zyra, dhe 4 vite Sahati nuk punoi, dhe Luli nuk e ngrinte as kokën për ta parë.
Se tjetër sahat ka Tirana, tjetër është sahati i Lulit që rri 12. U mbyll në çadër 3 muaj, ça thoshte, nuk ka Vetting pa ikur Edi Rama. Edi Rama është këtu dhe Vettingu ka ardhur. 3 muaj në çadër për Republikën e Re, pa Edi Ramën. Dhe e patë, akoma sot nuk ka bo gati të gjithë skuadrën me e nxjerr në fushë, por Saliut ja vrau të gjithë bashkëpunëtorët dhe e la tek pull si Fanti spathi.
Derri maç është lule se ka kurorë, po këto ikën me Derra e me Çupa e ngeli vetëm Fanti. I them demokratëve ju doni njerëz për t’ju bërë punën apo Lulin dhe një Fant për të luajtur Spathi” tha Rama.
(e.f/BalkanWeb)