TIRANE- Mbledhja e sotme e Komisionit të Vettungut ka prodhuar debate, por dhe batuta mes të pranishmëve.
Kështu, teksa zhvilloheshin dëgjesa me kandidatët për Këshillin i Lartë i Gjyqtarëve dhe Prokurorëve për organet e vettingut, deputeti i PD-së, Flamur Noka ka sjellë në vëmendje dhe thënien e famshme të kreut të Kuvendit, Ilir Meta: “Me qetësi dhe dashuri”.
Gjatë fjalës së tij Noka pohoi se po i dukej vetja si jurist Big i Brother-it dhe jo anëtar i Komisionit të Vettingut. Kjo ka bërë që të ndërhyjë kryetari i Komisionit, Ulsi Manja, i cili sugjeroi Nokës dhe të pranishmëve që të diskutojnë me qetësi dhe të kenë durim.
DEBATI
Noka: Nuk më duket vetja si anëtar i Komisionit të Vettingut, por jurist i Big Brother. Nëqoftëse ka atje jashtë kandidatë për Big Brother, çojini atje. Këtu sillni kandidatura serioze,
Manja: Puna e këtij komisioni është me durim, me qetësi…
Noka: Dhe me dashuri
(ed.me/BalkanWeb)
