TIRANE- Lista e Partisë Demokratike me emrat e kandidatëve për deputet për zgjedhjet e 25 qershorit, kishte surpriza. Shumë nga drejtuesit aktualë të Partisë Demokratike kanë mbetur jashtë listës së kandidatëve për deputetë. Në këtë listë nuk u përfshi as Bedri Hoxha, disa herë deputet i Partisë Demokratike.
Përmes një statusi në rrjetin social “Facebook”, ai ka reaguar ndaj këtij vendimi të kreut të PD-së për të mos qenë pjesë e listave, duke shprehur gjykimin e tij.
“Kandidatëve të PD-së ju uroj suksese në zgjedhjet e 25 Qershorit 2017. Janë personalitete që do të marrin votëbesimin e qytetarëve shqiptarë . Në veçanti i uroj shumë suksese ekipit të Qarkut Dibër të kryesuar nga znj.Dhurata Cupi, e cila me eksperiencën e saj do të arrijë një fitore të merituar për PD. Suksese”, shkruan Bedri Hoxha.
(el.sp/BalkanWeb)