SHIJAK– Një 64-vjeçare ka humbur jetën në fshatin Ardhishtë të Shijakut ditën e djeshme si pasojë e flakëve të zjarrit. Sipas policisë, Xh.S po digjte disa mbeturina jashtë banesës, ndërsa zjarri ka marrë përmasa të mëdha dhe e ka djegur.
Njoftimi i policisë:
Më datë 23.07.2017, në fshatin Ardhishtë, Shijak, pranë banesës së saj është gjetur e djegur në trup shtetësia Xh.S. 64 vjeçe.
Nga veprimet e para hetimore rezulton se kjo shtetase ka qenë e vetme në banesë dhe duke djegur disa mbeturina jashtë banesës, zjarri ka marrë përmasa të mëdha, ku është djegur dhe ka humbur jetën.
Shkakun e saktë të vdekjes do ta përcaktojë Akti i Ekspertimit. Materialet i kaluan Prokurorisë së Rrethit Gjyqësore Durrës për ngjarje aksidentale.
(d.d/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
