GJIROKASTER- Policia e Gjirokastrës ka pikasur në rrugën nacionale Tepelenë – Gjirokastër një automjet tip “BMW” në të cilin dyshohej se kishte lëndë narkotike.
Mjeti në fjalë u arrit të ndalohej në vendin e quajtur “Ura e Viroit”, në hyrje të qytetit Gjirokastër, në kuadër të operacionit të koduar “Viroi”.
Nga kontrolli që u krye në automjetin “BMW”, me targa A23 E 505, me drejtues shtetasin Petro Ngucaj dhe me pasagjer shtetasin Çelo Çelo, u gjet një sasi prej 58 kg lëndë narkotike e dyshuar Cannabis Sattiva.
Lënda narkotike u sekuestrua në cilësinë e provës materiale.
Nga Specialistët e Seksionit për Hetimin e Narkotikëve u bë arrestimi në flagrancë i shtetasve:
P.N, 38 vjeç, banues në Gjirokastër.
Ç.Ç, 23 vjeç, banues në Gjirokastër.
Materialet i kaluan Prokurorisë së Rrethit Gjyqësor Gjirokastër për veprën penale “Prodhim dhe shitje e lëndëve narkotike, e kryer në bashkëpunim”.
(m.a/BalkanWeb)
