VLORE – Kreu i Partisë Demokratike, Lulzim Basha ishte i pranishëm në qytetin e Vlorës, ku në bulevardin kryesor të qytetit takoi dhjetëra pensionistë. Gjate takimit me ta, pati shumë të pakënaqur, të cilët u shprehën se “nuk i del pensioni”.
“Nuk shkojmë dot në treg, nuk blejmë dot. As dritat nuk i perballojmë, as ilaçet,” thanë disa prej pensionistëve. Nga ana e tij kryedemokrati Basha u shpjegoi se plani i tij parashikon rritjen e pensionit, çka do te thote rritje e konsumit, që çon në rritje ekonomike. Basha u tha pensionistëve se vota për numrin 6 është votë për rritjen e pensionit
“Duhet të rrëzojmë qeverinë e vjetër të politikaneve, per t’i hapur rrugën Republikës së njerëzve,” tha kreu i PD.
Basha gjithashtu tha se nën qeverisjen e tij do të ndalohet në mënyrë kategorike droga në vend dhe do të lejohet gjuetia e ligjshme sipas standardeve të BE-së.
“Ne do të ndalojmë drogën, dhe do lejojme gjuetine e ligjshme te normuar sipas standardeve te BE-së,” u shpreh ai.
(e.f/BalkanWeb)
