TIRANE- Një ditë më parë, Partia Socialiste ka bërë publikë listën e kandidatë për deputetë në të gjithë qarqet e vendit, për zgjedhjet parlamentare të 18 qershorit. Surprizat me listat kanë qenë jo pak, nisur edhe nga fakti se emra të deputetëve aktualë nuk ishin më pjesë e tyre.
Opozita, ashtu siç edhe ka deklaruar më herët, gjatë protestës tashmë prej 72 ditësh, nuk është regjistruar në Komisionin Qendror të zgjedhjeve.
E pavarësisht kësaj, PD ka zgjedhur të publikojë një listë kandidatësh. E kjo nuk është një listë dosido me emra të njohur politikanësh, të cilët garojnë për një mandat tjetër, por një listë nga ato që tregojnë gjendjen e vërtetë ekonomike të shqiptarëve.
Është kreu i departamentit të politikes se jashtme në PD, Kreshnik Çollaku, ai i cili ka publikuar në rrjetin social “Facebook” një listë të qytetarëve që kanë blerë ushqime me borxhe në dyqane.
“Ju tregoj, Listën e Opozitës përballe Rilindjes….për “zgjedhjet” e ardhshme !!!”, shkruan Çollaku.
(el.sp/BalkanWeb)
