TIRANE- Pas ironive të kryeministrit Edi Rama nga Finiqi, vjen dhe reagimi i kreut të PBDNJ-së, Vangjel Dule. Me anë të një postimi të shkurtër në ‘Twiter’, Dule thekson se thëniet e Ramës sot ishin simptoma klasike të ‘sindromës hubris’, që sipas tij janë ‘sëmundje’ të rrezikshme të politikanit në pushtet.
“Të thënat e sotme të z Rama- simptoma klasike e “sindromës hubris”. “Sëmundjes” më të rrezikshme të politikanit në pushtet sipas lordit Owen”, citohet në mesazhin e Dules.
Rama ironizoi sot Dulen para banorëve të fshatit Aliko në Finiq se kreu i PBDNJ-së i ishte bashkuar çadrës.
“Vettingu, që i ka detyruar ata që të futen në çadër, bashkë me Vangjelin. Se di ca bën ai sot. Sot është Shën Thomai, jo Shën Vangjeli. (Shën Gjergji i thonë të pranishmit) Po i thash Gjergji, do ngrihen ata të Athinës dhe të thonë se ‘na morën Jorgon’. Se i çon sms Vangjeli. Ça bën Vangjeli në çadër?? (Pyet) (Fle gjumë thonë banorët) Gjumë nuk fle ai, se e njoh dhe e kam mik. Duhet thirrur në rrugë të drejtë, ju të kishës mund ta thërrisni. Po Vangjeli nuk merret me këto punë, se ai merret me demokracinë”, tha Rama.
(ed.me/BalkanWeb)
