Gjyqtarja Bibiana Steinhaus po promovohet për sezonin tjetër ndërsa këtë javë do të bëhet e para femër që vendos drejtësi në një ndeshje të “Bundesligës”, raporton “Daily Mail”.
Në një intervistë të publikuar nga Fedrata Gjermane e Futbollit, Steinhaus tha se për këtë ngjarje ndjenjat i ka të përziera. “Mund të them se jam e frikësuar, e gëzuar, e lehtësuar e kurioze.”
38-vjeçarja më parë ka gjykuar në ndeshje të mëdha në futbollin e femrave si “finalen e Botërorit për Femra në 2011”, “finalen në Lojrat Olimpike Londër 2012” dhe do drejtojë në finalen për femra të “Champions League” më 1 qershor në Kardif, Uells.
Ajo gjithashtu ka gjykuar në “Bundesligën 2” për gati një dekadë.
Steinhaus u shpreh se “qëllimi im është që gjyqtaret femra të jenë pjesë normale e futbollit profesionist dhe të tregojë se ata i përkasin kësaj loje.”
(e.k/BalkanWeb)
