Të mërkurën Real Madrid fitoi një ndeshje deçizive në “La Liga-s” kundër Celta Vigo-s e cila i dha kreun e renditjes duke u larguar +3 nga Barcelona.
Sfida e prapambetur në transfertë me Celta-n pavarësisht se në fund prodhoi rezultatin 1-4, nuk ishte dhe aq e thjeshtë për t’u fituar.
Madje në momente të ndryshme pati shumë nervozizëm të prodhuar nga dyluftime të ashpra.
Sipas asaj që raporton “Goal.com”, këtë e vërteton më së miri biseda që Cristiano Ronaldo bëri me kundërshtarin Gustavo Cabral në fushën e lojës.
Pas një faulli të shkaktuar ndaj tij nga Gustavo Cabral, Ronaldo iu kthye argjentinasit me fjalë dhe gjeste. “Para… ti shumë… valixhe”, ishte reagimi i portugezit.
Ronaldo aludonte për ndonjë shpërblim të mundshëm të vendosur nga Barcelona për futbollistët e Celta Vigo-s që të ndalnin madrilenët në rrugën drejt titullit kampion.
(e.k/BalkanWeb)
