Një koment i sulmuesit të Manchester United, Romelu Lukaku-t, në profilin e Cristiano Ronaldo-s i ka habitur të gjithë. Ylli portugez postoi një foto në llogarinë e tij në instagram dhe ndër të tjera ra në sy komenti i belgut.
“Më vjen keq shoku, Messi është më i miri,”-shkruan Lukaku. Disa nga mediat angleze janë të sigurta se ky koment ka ardhur nga llogaria e vërtetë e sulmuesit, por hipoteza që ngrenë është se atij mund ti jetë hakuar adresa, raporton “Goal.com”.
Gjithsesi edhe në rast se kjo është e vërtetë, Lukaku-t me siguri do t’i duhet t’a mohojë pasi ky koment nuk do pëlqehet nga tifozët e Manchester United. Ndonëse Ronaldo nuk përfaqëson më ngjyrat e klubit të tyre, ai mbetet një nga më të preferuarit e “Old Traford”.
(e.k/BalkanWeb)
