Deputetja e Partisë Majlinda Bregu, e ftuar në studion e emisionit ‘Pasdite”, nuk i shpëtoi dot tundimit për të folur për politikën.

Ndonëse rrëfimi i saj ishte i fokusuar tek jeta personale dhe familjare, ajo nuk e kurseu një mesazh për liderët e partive politike. Bregu thotë se gjëja e vetme që e bezdis është boshllëku i njeriut të politikë.

“Politika më përpiu tërësisht. Politika të përpin. Edhe këtu ke nevojë për të ruajtur balancat. Mua me bezdis shumë sot boshllëku i njeriut të politikë. Brezi i sotëm ka dëshirë që ti marri gjërat rehat. Kur them këtë kam parasysh njerëz me zgavër bosh. Mua më shqetëson prezenca e boshllëkut të njeriut në shoqëri. Ne vit pas viti po i largohemi figurave model. Këto të rinj që brohorasin sot me kujtojnë njeriun e ri në kohën e komunizmit”, tha Bregu.

Ndërsa tërheq gjithmonë vëmendje me veshejet e saj gjatë fushatës, Bregu ndau me publikun edhe një koment që i shite bërë një qytetare. “Unë shkova dhe takova banorët tek Bregu i Lumit me një fund me lule, duke u premtuar aty se do t’u zgjidhej halli. Me ngrihet një zonjë e komuniteti rom që kishte lidershipin aty dhe kishte mbledhur të gjitha gratë e tjera dhe u thotë atyre se kjo qenka e dorës sonë sepse qenka e veshur me fustan me lule” tha Bregu.
(m.a/BalkanWeb)