TIRANE– Mbrëmjen e sotme, forcat e policisë së kryeqytetit kanë shoqëruar në ambientet e komisariatit të policisë, koordinatorin e PS në Vorë, Albert Ciku.
Burime për “BalkanWeb” bëjnë me dije se në shoqërimin e koordinatorit të PS në Vorë kanë marrë pjesë edhe forcat e ndërhyrjes së shpejtë.
Nuk dihen ende shkaqet dhe motivet e shoqërimit të koordinatorit Albert Ciku, ndërsa policia ende nuk ka dhënë njoftim zyrtar.
Në një reagim për mediat, PS e Vorës thotë se Albert Ciku nuk është koordinator dhe nuk i përket strukturave të PS.
Deklarata:
Partia Socialiste e Vorës deklaron me përgjegjësi te plote se Albert Ciku nuk është koordinator, pjese e strukturave te Partisë Socialiste Vore dhe as anëtar i thjeshte i Partise Socialiste.
(d.d/BalkanWeb)