SHKUP- Trupëroja e ish-kryeministrit Emil Dimitriev nga marsi deri në muajin maj ka harxhuar mbi 7.200 euro vetëm për ushqime, dreka e darka.
Bëhet fjalë për Marjan Milloshevski, që është evidentuar si trupëroje e ish-kryeministrit, i cili ka harxhuar qindra mijëra denarë nëpër restorante brenda një dite, shkruajnë mediat në Maqedoni.
Milloshevski siç mësohet ka qenë shofer i Dimitrievit, ndërsa është i njohur si njeri shumë i afërt i Nikolla Gruevskit.
Ai çdo ditë ka përpiluar fatura, dhe i ka dërguar në Qeveri. Sipas dokumentacionit të zbardhur, 28 mijë denarë apo 460 euro për çdo ditë është përgatitur nga një faturë.
(BalkanWeb)