Menu Krye Të Fundit | Shqipëria |

Skenari i PD për mosbindje civile, PS paralajmëron Bashën: Mos i ço ndërmend ato qëndrime të papërgjegjshme

Deputeti i PS, Taulant Balla, duke hyre ne nje seance parlamentare, ku eshte diskutuar ne lidhje me ndryshimin e marreveshjes se koncesionit me shoqerine "Tirana Airport Partners", e cila synon ti hape rrugen ndertimit te aeroporteve te reja ne Shqiperi./r/n/r/nLawmaker, Taulant Balla, during a parliamentary session.

LIBRAZHD- Deputeti socialist Taulant Balla ka folur nga Librazhdi për deklaratat e kryedemokratit Lulzim Basha për bllokimin e rrugëve ditën e hënë.

Ai ka sugjeruar të mos merret seriozisht por njëkohësisht paralajmëron kreun e PD-së të mos i shkojë në mend të bllokojë rrugët sepse shqiptarët kanë plot halle. Ai i ka cilësuar si të papërgjegjshme deklaratat e Bashës dhe thotë se cdo përpjekje për destabilizim është kundër interesave të Shqipërisë.

“Lojërat e vitit 1997 dhe rreziqet që ato mbartin në vetvete nuk duhen rikthyer më në Shqipëri. Shqiptarët nuk meritojnë të kenë drejtues politikë të cilët vënë interesin e tyre politik mbi interesin e Shqipërisë sepse interesi politik i Lulzim Bashës sot është mospjesëmarrja në zgjedhje për shkak të frikës nga Vettingu dhe frikës nga rezultati i zgjedhjeve.
Të kesh frike nga vota e popullit do të thotë të mos dish të respektosh popullin tënd, atë popull që të ka dhënë mandatin për të qeverisur.
Edhe pse nuk i marr seriozisht deklaratat e Lulzim Bashës dua t’i them se është mirë të mos i çojë ndërmend ato deklarata të papërgjegjshme që ai i hedh si shashka.
Shqiptarët sot kanë nevojë për vende pune dhe kush është kundër Vettingut edhe kundër vendeve të punës së shqiptarëve; kush është për qeveri teknike është kundër ekonomisë së Shqipërisë, çka do të thotë sërish kundër vendeve të punës.
Të mos ta çojë ndërmend Lulzim Basha të bllokojë rrugët sepse shqiptarët kanë plot halle, njerëzit duhet të shkojnë në punë, në shkolle apo në spitale. Çdo përpjekje për destabilizim është kundër interesave të Shqipërisë”, ka deklaruar Balla.

Lulzim Basha deklaroi mbrëmë se opozita e bashkuar me në krye Partinë Demokratike të Shqipërisë ka vendosur intensifikimin e protestës qytetare në të gjithë Shqipërinë.

“Duke ruajtur si pishtar, si monument të kësaj lëvizje, çadrën e lirisë, 24 orë në ditë, por duke e shtrirë atë në mbarë vendin. Ditën e hënë të gjithë qytetarët shqiptarë, patriotë, të djathtë, të majtë, të rinj, të reja, të moshuar, bashkohemi midis orës 11:00 dhe 12:00 në bllokimin total të trafikut kombëtar në gjithë Shqipërinë”, tha Basha mbrëmë.

(m.k/BalkanWeb)



loading...

Komente ( 11 )

KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .


Copy Protected by Chetan's WP-Copyprotect.