CERRIK– Deputeti i Partisë Socialiste, Taulant Balla, i zgjedhur në Qarkun e Elbasanit, ka falenderuar ditën e sotme, qytetarët e Cërrikut për mbështetjen dhe për votën e 25 qershorit.
Duke komentuar dorëheqjen e Petrit Vasilit nga kreu i LSI, deputeti Taulant Balla i ka kërkuar kryetarit të Bashkisë së Cërrikut, Altin Toska, të mbajë fjalën e dhënë dhe të japë dorëheqjen.
Kujtojmë se gjatë zhvillimit të fushatës, Altin Toska kryetari i Bashkisë së Cërrikut ka deklaruar se do të japë dorëheqjen nëse LSI nuk del forcë e parë në Cërrik.
Balla ka folur dhe për zgjedhjet duke e cilësuar atë si një betejë të vështirë. Ai ka vijuar më tej duke thënë se “Drejtësia të ndëshkojë rastet në hetim për korrupsion elektoral. Shqiptarët votuan për të ardhmen e tyre. Në shtator të fillojë reforma e plotë elektorale”.
(BalkanWeb)
