Mediat spanjolle kanë publikuar një video që implikon kapitenin e Real Madrid, Sergio Ramos, i cili bën thirrje për një gjest “anti-fair play”.
Futbollisti dhe lideri i Atletico Madrid, Gabbi, në minutën e 37-të të ndeshjes ndëshkohet me kartonin e verdhë dhe kjo është një mundësi për të mos u humbur për futbollistët kundërshtar. Mbrojtësi i Real Madrid është kapur nga kamerat e televizionit “El Chiringuito” teksa i bën thirrje Cristiano Ronaldos dhe disa shokëve të tjerë të skuadrës të provokojnë Gabbi-n duke e goditur me bërryla në mënyrë që të merrte të dytin të verdhë për të dalë nga loja.
¡ESTO NO LO HAS VISTO! Ramos PIDE que PROVOQUEN la EXPULSIÓN de Gabi. IMAGEN #JUGONES pic.twitter.com/xkDtf60Mqp
— El Chiringuito TV (@elchiringuitotv) May 11, 2017
Kjo nuk është komentuar aspak mirë pasi një kapiten, për më shumë i Real Madrid, nuk mund të bëjë thirrje të tilla pasi shembulli që përçon është tejet negativ. Gabbi dhe Ramos janë pjesë e kombëtares spanjolle.
(e.k/BalkanWeb)