GJIROKASTER-Dy orë pas arratisjes nga tualeti i gjykatës së Apelit në Gjirokastër, është kapur nga policia i riu Saimir Ahmeti. Ai u arrestua në zonën e sipërme të Pazarit të Gjirokastrës, ndërsa ishte fshehur në pusin e një hoteli. I riu i akuzuar për “përndjekje” kërkoi të dalë nga salla e gjyqit me pretekstin se do shkonte në tualet për nevoja personale, por u arratis.
Saimir Ahmeti banor i fshatit Vanë në bashkinë e Delvinës ishte arrestuar nga policia e Delvinës për përndjekjen e vazhdueshme dhe kërcënimin e bashkëjetueses së tij, shtetases Bleona Habibi, 18 vjeç, edhe kjo banore e fshatit Vanë. Mësohet se familja e vajzës nuk ka qënë dakord me lidhjen, ndonëse kjo e fundit prej 8 muajsh jetonte në shtëpinë e Saimirit.
Foto nga pusi ku fshihej 24-vjeçari
Babai i të riut që u arratis nga Gjykata: Nëse i ndodh gjë policia do mbajë përgjegjësi
Babai i Saimir Ahmeti 24-vjeç, ka thënë se djali i tij është i pafajshëm dhe është arratisur nga frika. Në një prononcim për ‘News24’ dhe ‘BalkanWeb’, babai i të riut, Thoma Ahmeti u shpreh se djalin e akuzon ish-vjehrra pasi nuk dëshiron të lidhet me vajzën e saj. Ai tha se policia do mbajë përgjegjësi nëse djalit i ndodh ndonjë gjë.
“Ne mezi e kemi rritur djalin. Atë e akuzon ish vjehrra sepse nuk që të marrë vajzën e saj. Ne jemi familje e rregullt dhe ju mund të pyesni se çfarë familje jemi ne. Djali është i pafajshëm dhe ai u tremb nga frika sepse është akoma fëmijë dhe prandaj e bëri atë veprim duke u arratisur. Nuk e prisja të bënte këtë veprim. Unë do kërkoj dhe ndihmën e avokatit të Popullit sepse nëse djali im pëson gjë atëherë policia do mbajë përgjegjësi”- tha Thoma Ahmeti.
Ndërkohë psikologu është shprehur se, 24-vjecari është denoncuar se qëlloi me pëllëmbë të dashurën dhe i druhet frikës se ai mund të vrasë edhe veten si pasojë e shokut.
“Djali u denoncua se qëlloi të dashurën me dy pëllëmbë. Djali ka kaluar në krizë nga ngjarja dhe kemi frikë se mund të pësojë ndonjë gjë”- tha ai.
Foto nga pusi ku fshihej 24-vjeçari
Arratisja nga Gjykata:
Rreth orës 11:50 i ndaluari Saimir Ahmeti, 24 vjeç, banues në fshatin Vanë, Delvinë, ka mundur të largohet nga ambientet e Gjykatës së Apelit Gjirokastër, ku ishte i shoqëruar nga shërbimet e Policisë së Burgut Sarandë. Shërbimet e Policisë së Burgjeve nuk kishin kërkuar masa mbështetëse nga Drejtoria Vendore e Policisë Gjirokastër për siguri shtesë, gjatë zhvillimit të seancës gjyqësore. Shërbimet e Policisë së Shtetit në Gjirokastër sa morën njoftim janë angazhuar maksimalisht për kapjen e shtetasit Ahmeti.
(d.d/BalkanWeb)
