Menu Krye Të Fundit | Shqipëria |

U la jashtë listave të PD-së, mesazhi i fortë i Astrit Patozit: Secili do korrë atë që mbolli

astirit patozi 1

TIRANE– Deputeti i Partisë Demokratike, Astrit Patozi i ka bërë thirrje të gjithë demokratëve të dalin në qendrat e votimit dhe të mbështesin opozitën.

Në një status në faqen e tij në facebook ai shkruan se si do që të dalë rezultati, secili do të korrë atë që ka mbjellë vetë.

MESAZHI I PLOTE
SECILI DO TË KORRË ATË QË KA MBJELLË VETË

Sot në fakt është dita që flet vetëm sovrani dhe politikanëve u takon më shumë se të tjerëve të heshtin. Është dita e gjykimit të tyre, për atë që kanë bërë dhe nuk kanë bërë në këto 4 vjet. Retorika nuk ka shumë vlerë tani, sepse tek e fundit secili do të korrë atë që ka mbjellë vetë. Nesër në këtë kohë me siguri që do të kemi një rezultat paraprak dhe, sigurisht, jo të gjithë mund të thonë sërish që janë fitues apo forcë e parë.

Do te doja shumë që shqiptarët të dilnin në shumicë dërrmuese për të votuar, më fort se herët e tjera, por druaj që kjo s’ka për të ndodhur, pasi ndjej që ka një zhgënjim jo të vogel prej ofertave kryesore. Uroj me gjithë shpirt që të jem i gabuar në ketë pikë.

Natyrisht, nuk mund ta fsheh që vemendja ime më e madhe është e fokusuar tek Partia Demokratike, si sfidante e pushtetit, por edhe si forca ime politike. Dhe jam i bindur që demokratët nuk do ta shpërdorojnë këtë shans, si një mundësi, jo vetëm për të ndryshuar Shqipërinë, por edhe fatin dhe të ardhmen e partisë së tyre. Nuk ka vend për pesimizëm. Vetëm kaq mund të them për sot.

(BalkanWeb)



Komente ( 3 )

KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .


Copy Protected by Chetan's WP-Copyprotect.