SHKODER – Nga raportimet e deritanishme, bilanci i të plagosurve nga shpërthimi në Velipojë, është i rëndë. Tre prej tyre kanë plagë të rënda, ndërsa 20 janë lënduar.
Ngjarja
Një resort turistik është përfshirë nga flakët ditën e sotme në Velipojë. Turistët ishin në gjumë në momentin kur raportohet të ketë ndodhur një shpërthim i madh zjarri. “BalkanWeb” mëson se forcat e zjarrfikëses janë nisur menjëherë në vendngjarje.
Ngjarja ka ndodhur në kompleksin “Fishta”, në Velipojë. Flakët kanë përfshirë një pjesë të konsiderueshme të resortit turistik, dhe si shkak kryesor mendohet të jetë rrjedhja e gazit.
(e.f/BalkanWeb)