TIRANË- Një sherr banal i ka marrë jetën një 22-vjeçari në Tiranë mesnatën e kaluar. Bëhet fjalë për Marvi Mihalin, i riu që u konfliktua fillimisht me 19-vjeçarin Dejvi Bitraj dhe më pas u qëllua nga kushëriri i tij Eugen Bitraj. “BalkanWeb” mëson se Mihali dhe 19-vjeçari janë zënë dhe kanë përdorur fjalë fyese e sharje ndaj njëri-tjetrit, ndërsa më pas ka ndërhyrë djali i xhaxhait të Dejvit, 24-vjeçari Bitraj.
Ngjarja e rëndë ndodhi rreth orës 23:30 mbrëmjen e kaluar, ndërsa policia arrestoi pak orë më vonë edhe autorin e dyshuar dhe 3 bashkëpunëtorët e tij. Katër të rinjtë Eugen Bitraj, 24 vjeç; Dejvi Bitraj,19 vjeç; Kridens Alla,19 vjeç dhe Marsel Alla, 23 vjeç do të qëndrojnë në qeli deri në qartësimin e rrethanave dhe rolit të tyre në krim.
(m.k/BalkanWeb)
