TIRANE- Gazetarja Elda Menga raporton për BalkanWeb se kryetari i “ngrirë” i Partisë Demokratike, Lulzim Basha që kërkon një tjetër mandat katër vjeçar në krye të PD-së votoi një orë pas rivalit të tij, Eduard Selami.
Basha ka mbërritur në selinë e Partisë Demokratike në orën 11:00 dhe ka pritur në radhë para se të votonte.
Selami ka bërë sot një postim në nisje të votimit, ndërsa Basha nuk ka ende një reagim për këtë garë, që siç njofton komisioni i operacioneve elektorale ka nisur në mënyrë të rregullt në të 73 komisionet e 68 degëve të Partisë Demokratike.
Pjesë e procesit të votimit, pritet të mos jetë grupi i kritikëve të Bashës. Ata e kanë mbajtur dje qëndrimin e tyre, kur deklaruan se nuk do të jenë pjesë e këtij procesi që e konsiderojnë një farsë.
(m.a/BalkanWeb)