TIRANE- Lulzim Basha është rizgjedhur në krye të Partisë Demokratike, të cilën do ta drejtojë edhe 4 vite të tjera. Në garën përballë rivalit të tij, Eduard Selami Basha fitoi me një numër të madh votash, duke konfirmuar kështu bindshëm pozicionin e tij.

Konkretisht nga 73 kuti, 53931 vota ishin për Bashën, ndërsa për Selamin 5136, ku kreu i ri siguroi 48795 vota më shumë. Nga të dhënat që vinë nga selia blu, atje ku u bë dhe procesi i numërimit, 767 vota dolën të pavlefshme, ndërsa 61 fletë kanë qenë të dëmtuara. Ishte Jemin Gjana, kryetari i Komisionit Qendror Elektoral në PD, i cili në përfundim të numërimit të kutive nga 68 degët e Partisë Demokratike, shpalli rezultatin përfundimtar. Fill pas mbylljes së procesit, Gjana në një konferencë për mediat tha se: “Nga rezultatet e votimit, për kandidatin Lulzim Basha janë 53 931 vota për dhe për kandidatin Eduard Selami janë 5136 vota. Në këto kushte, Komisioni shpall fitues zotin Lulzim Basha me 53 931 vota si kryetar të Partisë Demokratike në zgjedhjet e 22 korrikut 2017 me votimin një anëtar një votë.”.

Rikonfirmimi i Bashës në një mandat të dytë për liderin e PD-së vjen në një kohë kur brenda demokratëve është organizuar një grup kritik kundër tij, të cilët i bënë thirrje të hiqte dorë nga gara farse.

Në zgjedhjet e djeshme, morën pjesë 59.834 anëtarë me të drejtë vote nga 103.952 anëtarë që ka Partia Demokratike në të gjithë Shqipërinë, ose 57.5 % e të gjithë anëtarësisë. Kur garoi për herë të parë për postin e kreut të PD-së në 2013-ën, pas dorëheqjes së Berishës, Basha arriti të siguronte rreth 80.39% të votave përballë kandidatit tjetër, Sokol Olldashi.

Rezultati sipas qendrave të votimit në qarqe:

Kutia e Këlcyrës, Lulzim Basha mori 243 vota,  ndërsa Eduard Selami mori 39 vota.

Kutia e Poliçanit, Basha mori 142 vota, Selami mori 18 vota.

Kutia e Skraparit, Basha mori 94 vota, Selami mori 32 vota.

Kutia e Beratit, Basha mori 542 vota, Selami mori  181 vota.

Kutia e Pogradecit, Basha mori 690 vota, Selami mori 42 vota.

Kutia e Tropojës, Basha mori 513 vota, Selami mori 58 vota.

Kutia e Kuçovës, Basha mori 281 vota, Selami mori 125 vota.

Kutia e Gramshit, Basha mori 362 vota , Selami mori 62 vota.

Kutia e Devollit, Basha mori1364 vota, Selami mori 171 vota.

Kutia e Mirditës, Basha mori 599 vota, Selami mori 88 vota.

Kutia e Paskuqanit, Basha mori 937 vota, Selami mori 72 vota.

Kutia e Bulqizës, Basha mori 1270 vota, Selami mori 38 vota.

Kutia e Njësisë 11 në Tiranë, Basha mori 1319 vota, Selami mori 142 vota.

Kutia e Kolonjës, Basha mori 434 vota, Selami mori 79 vota.

Kutia e Prrenjasit, Basha mori 304 vota, Selami mori 42 vota.

Kutia e Shkodrës, Basha mori 1890 vota, Selami mori 113 vota.

Kutia e Malësisë së Madhe, Basha mori 1323 vota, Selami mori 22 vota.

Kutia e Dibrës, Basha mori 1090 vota, Selami mori 173 vota.

Kutia e Njësisë 9 në Tiranë, Basha mori 609 vota, Selami mori 74 vota.

Kutia e Pukës, Basha mori 544 vota, Selami mori 44 vota.

Kutia e Matit, Basha mori 986 vota, Selami mori 126 vota.

Kutia e Përmetit, Basha mori 260 vota, Selami mori 17 vota

Kutia e Gjirokastrës, Basha mori 1069 vota, Selami mori 129 vota.

Kutia e Kukësit, Basha mori 403 vota, Selami mori 55 vota.

Kutia e Delvinës, Basha mori 245 vota, Selami mori 16 vota.

Kutia e Himarës, Basha mori 84 vota, Selami mori 40 vota.

Kutia e Vaut të Dejës, Basha mori 696 vota, Selami mori 25 vota.

Kutia e Hasit, Basha mori 599 vota, Selami mori 63 vota.]

Kutia e Njësisë 7 në Tiranë, Basha mori 817 vota, Selami mori 77 vota.

Kutia e Kavajës, Basha mori 1199 vota, Selami mori 19 vota.

Kutia e Memaliajt, Basha mori 347 vota, Selami mori 10 vota.

Kutia e Selenicës, Basha mori 441 vota, Selami mori 83 vota.

Kutia e Njësisë 8 në Tiranë, Basha mori 1222 vota, Selami mori 126 vota.

Kutia e Maliqit, Basha mori 1322 vota, Selami mori 275 vota.

Kutia e Kurbinit, Basha mori 1149 vota, Selami mori 68 vota.

Kutia e Patosit, Basha mori 570 vota, Selami mori 68 vota.

Kutia e Krujës, Basha mori 473, Selami mori 24 vota.

Kutia e Urës Vajgurore, Basha mori 485 vota, Selami mori 33 vota.

Kutia e Nj. 5 Tiranë, Basha mori 1115 vota, Selami mori 19 vota.

Kutia e Tepelenës, Basha mori 213 vota, Selami mori 15 vota.

Kutia e Rrogozhinës, Basha mori 713 vota, Selami mori 33 vota.

Kutia e Fushë-Krujës, Basha mori 467 vota, Selami mori 52 vota.

Kutia e Fierit, Basha mori 1857 vota, Selami mori 183 vota.

Kutia e Njësisë 13 në Tiranë, Basha mori 553 vota, Selami mori 96 vota.

Kutia e Njësisë 10 në Tiranë, Basha mori 277 vota, Selami mori 25 vota.

Kutia e Peqinit, Basha mori 540 vota, Selami mori 15 vota.

Kutia e Njësisë 2 në Tiranë, Basha mori 551 vota, Selami mori 44 vota.

Kutia e Korçës, Basha mori 1349 vota, Selami mori 127 vota.

Kutia e Belshit, Basha mori 458 vota, Selami mori 6 vota.

Kutia e Mallakastrës, Basha mori 536 vota, Selami mori 95 vota.

Kutia e Shijakut, Basha mori 518 vota, Selami mori 24 vota.

Kutia e Njësisë 1 në Tiranë, Basha mori 678 vota, Selami mori 20 vota.

Kutia e Njësisë 3 në Tiranë, Basha mori 4911 vota, Selami mori 44 vota.

Kutia e Roskovecit, Basha mori 487 vota, Selami mori 34 vota.

Kutia e Lezhës, Basha mori 1789 vota, Selami mori 104 vota.

Kutia e Sarandës, Basha mori 323 vota, Selami mori 70 vota.

Kutitë e Elbasanit, Basha mori 1334 vota, Selami mori 129 vota.

Kutia e Vlorës, Basha mori 963 vota, Selami mori 132 vota.

Kutia e Librazhdit, Basha mori 543 vota, Selami mori 66 vota.

Kutia e Njësisë 14 në Tiranë, Basha mori 453 vota, Selami mori 58 vota.

Kutitë e Kamzës, Basha mori 4068 vota, Selami mori 228 vota.

Kutia e Vorës, Basha mori 492 vota, Selami mori 73 vota.

Kutia e Lushnjës, Basha mori 1512 vota, Selami mori 135 vota.

Kutitë e Durrësit, Basha mori 1386 vota, Selami mori 144 vota.

Kutia e Njësisë 6 në Tiranë, Basha mori 1333 vota, Selami mori 40 vota.

Kutia e Njësisë 4 në Tiranë, Basha mori 1292 vota, Selami mori 183 vota.

(o.k/ed.me/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: