Presidenti i zgjedhur Ilir Meta tha në një deklaratë për gazetarët ditën e sotme, se duke pasur parasysh zgjedhjet e vitit 2015, partia që ai drejtonte, Lëvizja Socialiste për Integrim, do të marrë 34 mandate.

“Me rezultatet e zgjedhjeve të vitit 2015, LSI-ja merr 34 mandate. Me atë numër votash marrim 7 mandate deputetësh në Tiranë, 4 mandate në Durrës, 4 në Fier, 4 në Elbasan dhe kështu me rradhë”, tha Meta.

“Jemi në moment pozitiv, dhe të ecim para me qetësi, dashuri e pa xhelozi. Edhe për vitin 2013, LSI nuk ka përfituar nga PS, përfitimi ka qenë reciprok. Forca e LSI-së është rinia. Ka garë, ka demokraci, do ketë surpriza dhe kjo është në të mirë të gjithëve,” deklaroi ish-kreu i LSI-së.

 (e.f/BalkanWeb)

 

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: