ESTONI- Partia Reformiste e kryeministrit Taavi Roivas pretendon fitoren e zgjedhjeve parlamentare të kësaj të diele.
Partia e Roivas ka fituar 30 vende, ndërsa është në koalicion për të formuar numrin e duhur në parlamentin me 101 anëtarë.
Rezultatet janë një goditje për Partinë e Qendrës, e cila ka ka lidhje me presidentin rus Vladimir Putin, ndërsa sipas anketave pritej të kishte rezultat më të mirë.
“Partia Reformiste është fituese e zgjedhjeve parlamentare 2015”- deklaroi kryeministri Roivas në stacionin televiziv publik ETV.
Rezultatet paraprake tregojnë se partia e Roivas kryeson me 27,7% të votave, kundrejt Partisë së Qendrës me 24,8%.
Social Demokratët, në koalicion me Partinë Reformiste kanë marrë 16% të votave.
Sipas të dhënave paraprake pjesëmarrja në zgjedhje ka qenë 63,7%, pak më e lartë nga zgjedhjet e vitit 2011 që ishin 63,5 %.
Estonia ka qenë dikur pjesë e ish-Bashkimit Sovjetik, ndërsa tani është anëtare e NATO-s.
(d.d/BalkanWeb)